«Хăнасем малтан шыв сыпнă пек лараççĕ. Веçех хăвăн «туртмалла». Купăс каланисĕр пуçне юрламалла та. Кăштах хĕреççĕ те уçăлса каяççĕ: пуçлаççĕ савăнма, киле кайма вăхăт çитет — вĕсем çаплах юрлаççĕ-ташлаççĕ. Хăшĕ-пĕри юрă кĕнеки чиксе пырать. Нихăçан та пăрахса тухса каймастăп. «Мĕнле ывăнмастăн эсĕ?» — теççĕ. Хут купăса нихăçан та ларса каламастăп. Пукан та лартса параççĕ. Тăрса каласа, пĕрле юрласа-ташласа ертсе пырсан чăн-чăн уяв пулать. Пĕррехинче пĕр арçын, хĕрĕнкĕскер, ташланă чухне хĕрсене кашнине çĕклесе çаврăнчĕ те юлашкинчен хăй йăванса кайрĕ. Кулăшла самантсем те пулман мар»,

 – аса илет Владимир Михайлович. 

Вăрмар округĕнчи Кавалта ачасене музыка предметне 40 çул вĕрентекен ăста купăсçă çинчен "Хыпар" хаçатăн ыранхи номерĕнче вуласа пĕлме пулать.